116 leikarir fara í næstum at dystast um meira enn 15.000,- í vinningum

Tær komandi vikurnar leggur eSport.fo, í samstarvi við Vodafone, Expert og SMS, karmar til eitt nýtt kappingarumfar í telduspælinum CS:GO.

 

”Hetta verður stórt!”

Soleiðis ljóða orðini á manninum handan eSport.fo, Rúni W. Johnsen. Tað má eisini sigast, tí ongantíð áður hevur talið á luttakarum verið so stórt til eina føroyska kapping í telduspælinum CS:GO. Afturat hesum, er vinningurin eisini methøgur.

Í morgin verður nýggja umfarið, kallað Sesong 2, skoti í gongd. Eftirfylgjandi fara 16 lið at dystast um ymiskar vinningar. 16 lið eru skrásett til kappingarumfarið, har 6 lið dystast í deild A og 10 lið í deild B.

Í deild A verður kappast um meira enn 15.000 kr í vinningum. Fýra tey bestu liðini í hesu deildini spæla seg víðari til finaluna. Hini bæði liðini rykkja niður í deild B. Tey liðini sum enda nummar 1 og 2 í deild B rykkja tískil upp og sleppa at leika í deild A í Sesong 3 sum eftir ætlan byrjar í heyst.

Stutt um CS:GO

Counter Strike : Global Offensive, stytt CS:GO, er eitt taktiskt telduspæl har tvey lið dystast ímóti hvørjum øðrum. Á hvørjum liði eru tað í millum 5 – 8 leikarir, tó eru tað bert 5 ið sleppa at vera á ”vøllinum” í senn, restin eru so útskiftarir. Spælið snýr seg um at tað eru yvirgangsfólk ímóti løgreglufólk. Uppgávan hjá yvirgangsfólkunum er at leggja eina bumbu á eitt av tveimum ávísum plássum. Løgreglufólkini skulu sostatt forða teimum í at leggja bumbuna. Liðini mugu so brúka ymiskar taktiskar loysnir og vápn til at loysa uppgávuna betri enn mótstøðuliðið. Tað liði sum fyrst vinnur 16 rundir, vinnur dystin.

Finalan í SMS

  1. mai verður finalan leikt í SMS við frásøgufólkum, pallið og pláss til 300+ áskoðarar. Tað verða 4 tey bestu liðini úr deild A sum fara at kappast um stóra vinningin, sum Expert, Vodafone og SMS hava stuðla við.

 

Stroyming og burturlutingar á heimasíðuni 

Dystirnir verða regluliga stroymaðir á www.esport.fo, har tað eisini ber til at luttaka í burturlutingar ímeðan dystirnir eru í gongd.

Kl. 19.00 í annaðkvøld(Fríggjadagin, 3. Mars) møtast stórliðini MYD og SYG í einum braki av einum dysti. Inni á stroyminum ber tað eisini til at luttaka í eini burturluting við virði uppá 1000,-. 

 

Landsliðið skal finnast

Ætlanin er eisini at umboða Føroyar í altjóðum kappingum og eSport.fo vilja fegnir savna bestu leikararnir í Føroyum at umboða okkum. Tað verður tískil eisini hugt eftir hvussu einstaklingseyðkenni er á teimum ymisku leikarunum undir Sesong 2.

 

Vodafone

Fyri at tryggja bestu servararnar hevur Esport.fo í samstarv við VODAFONE set up nakrar 128 tick servarar í Føroyum, hettar merkir, at tú kann vænta 5~ millisekund ping tá ið tú spælur dystirnar og hit registration er so gott sum tað kann blíva.

https://www.vodafone.fo/

 

Tøkk til stuðlar okkara Vodafone, Expert og SMS fyri at gera hettar til ein veruleika.

Grein skrivað av Hans Otto Samuelsen

eSport Føroyar

Cart
  • No products in the cart.