FIFA ECUP 

Nýggja e-fótbóltskappingin er stovna saman við eldsálum, ið elska alt rundan um fótbóltin. Hetta er fyrsta ættarlig av mongum, har e-fótbóltur er á breddanum í Føroyum.

Leikarir fara fyrst at leika í bólkaspælið, og síðani verða teir bestu sendir víðari í einari knock-out bracket. Vinningarnir verða nógvir – og endamálið er fyri einari góð-gerð til Krabbameinsfelagið, har allur yvirskotur verður latin til eitt gott endamál.

Føroyameistari

Ert tú klár/ur at kappast um at blíva Føroya besti Fifa spælari?

Melda til

Perlan sum stadium

Vit eru sera fegnir um at Fifa ECUP verður hildið í Perluni í Havn. Hølini hava nógv pláss, sum ger at vit kunna nýta fleiri Playstations og at alt gongur skjótt fyri lutakarinir.
Tað verður møguligt at keypa toast og okkurt at drekka á staðnum.

Livestroyming

fifa ecup uppsetan

1. Skráseting

Tú skrásetur teg við at melda teg til á fifa síðuna og trysta á ”melda til” knøttin.

  • 200,- fyri at luttaka.
  • Maks luttakarapláss verður kunngjørt mánadagin 6. septembur
  • Fyrst bólkaspæl og síðani endaspæl
  • Aldursmark á 14 ár

 

2. Bólkaspæl

Meira kunning um bólkaspælið verður kunngjørt so líðandi, hvussu nógvir bólkar tað verða og hvussu nógv eru í hvørjum.

Meira verður kunngjørt týsdagin 14. septembur.

3. Bracket (Endaspæl)

Bracket verður kunngjørt so líðandi bólkaspælið verður spælt.

Vit stuðla krabbameinsfelagnum

Ver við í kappingini og stuðla við luttøkugjaldinum. Yvirskotið frá kappingini verður latið krabbameinsfelagnum.

Øll kunnu verða rakt av krabbameini, Vit meta eisini at tað er hóskandi at varpa ljós á krabbamein í hesum høpi, av tí at Fifa er mest spælt av monnum í ymiskum aldrum, serliga teimum ungu. Krabbamein kann raka øll, og nøkur sløg av krabbameini rakar serliga hendan málbólk. Menn sum heild, eru tiltiknir fyri at ikki vilja fara til læknan at kanna seg. Tá tað kemur til krabbamein, er umráðandi at fáa tað staðfest tíðliga og koma í viðgerð.

Um Krabbameinsfelagið

Krabbameinsfelagið varð stovnað í 1979 undir navninum Føroya Felag móti Krabbameini. Stigtakarir vóru Lions felagið í Tórshavn eftir áheitan frá Bjarna og konu hansara Sannu Dahl Niclasen. Í 2009 fekk felagið nýggjan samleika og broytti navn til krabbameinsfelagið.

Krabbameinsfelagið

– Ráðgevur, hjálpur, og umboðar krabbameinssjúklingar og teirra avvarandi
– Upplýsir um krabbameinssjúkur og fyribyrging
– Stuðlar og upplýsir um gransking í krabbameini

Fyriskiparir

Vit eru nakrir vinnulívsmenn, sum saman við eSport.fo vilja stuðla Krabbameinsfelagnum, tí at vit allir hava onkursvegna havt krabbamein tætt at lívi okkara. Ein okkara fekk staðfest krabbamein í 2015 og mátti skurðviðgerðast og í gjøgnum drúgva viðgerð. Í tíðini tá sjúkan var uppá tað ringasta, veitti  krabbameinsfelagið sera góðan stuðul ið var kærkomin og verður aldrin gloymdur.

Hesir vinnulívsmenn eru:

  • Ragnar Mørkøre
  • Rúni Winther Johnsen
  • Hákun Samuelsen
  • Sandri Færø
  • Rúni Helgason Hansen
  • Martin Mortensen

Hevur tú evnini til at gerast besti í føroyum?

 

Melda til