G2 taka ímóti LG í ESL Pro League Grand Finals

Við einum 2-1 sigri á Fnatic, spældu franskmennirnir seg víðari í ESL Pro League. 

Robin ‘flusha’ Rönnquist og liðfelagir hansara úr Fnatic kláraðu ikki at vinna á G2 Esports í gjárskvøldið. Við hesum hava G2 spælt seg víðari í Grand Finals, har teir í dag taka ímóti Luminosity Gaming.

Fnatic vunnu á teirra val av bana, Inferno. Hóast hálvleiksstøðan var 2-13 til G2, megnaðu Fnatic at koma aftur og vinna dystin 16-14. Sigast kann at flusha hevði eitt megnar avrit við heili 39 kills tá dysturin var av.

Sjónbandið er tikið frá TheScore Esports. 

Í seinna dystinum lá valið hjá G2, og á Cache vunnu teir 16-8 á Fnatic. Hettar meinast við at liðini síðani máttu spæla ein triðja og avgerandi dyst á Train.

Dysturin endaði 16-12 til G2 Esports, har hálvleiksstøðan var 9-6 til G2.

Kl. 17 føroyska tíð stevna G2 og LG saman í finaluni, har teir ið klára seg best út av 5 dystum, vinna hettar umfarið av ESL Pro League.

Dysturin verður stroymaður her.

 

[poll id=”21″]

 

Grein skrivað av Hans Otto Samuelsen